छत्रपती शिवाजी महाराज - सौ स्वाती कार्ले..

 

शहाजी राजे जिजाऊ च्या पोटी 

एक पुत्र जन्मला शिवनेरी 

शिवाई देवी वरून ठेवले नाव शिवाजी 

स्वप्न स्वतंत्र राज्याचे रुजवले मनी 

रामाची, नरसिंहाची ऐकवूनी कथा 

घडविले तसे त्यांच्या मना 

केले शास्त्रात राजनीतित पारंगत 

शिस्त, बुध्दी, चातुर्य 

गुणांनी घडविले अद् भूत 

आदिलशाही, निजामशाही 

डच, फ्रेंच,इराण्यांची पातशाही

नेस्तनाबूत करण्यास घडविले तयारीत 

शस्त्रात, आणि घोडेस्वारीत 

केले निपुण सर्व शक्तीत 

फौज सवंगडी मावळ्या सह

लहान वयात घेऊन शपथेसह

एक संघाने केली तयारी लढण्यास

शिस्त, शौर्य, कौशल्य नेतृत्वासह

गड किल्यांची केली निर्मिती 

गनिमी कावा धैर्या पोटी 

केली रणधुंद रणनीती 

रयतेस केले स्वतंत्र दिवस रात्री 

संयम , विवेक, आणि राष्ट्रभक्ती 

त्याला जोड शिस्त आणि मातृभक्ती 

गुण आदर्श त्यांचे जपुया 

शौर्य कथा पुढील पीढीस सांगुया...!