महाराजांचे आम्ही होss किल्ले ।
मुघलांचे परतविले अनेक हल्ले ॥
स्वराज्याच्या गर्जना आम्ही ऐकल्या ।
आमच्या खांद्यावरून तोफा डागल्या ॥
महाराजांची केली आम्ही सेवा ।
दिला तुम्हा स्वराज्याचा ठेवा ॥
माय हिरकणीचे धाडस अनुभवले ।
न्याय-व्यवस्था व राजवैभव पाहिले ॥
मावळ्यांची आम्ही ढालही बनलो ।
सर्व घडामोडींचे साक्षीदार ठारलो ॥
आम्हीही आहोत अस्सल मराठमोळे ।
स्वामी रक्षणार्थ झेलले तोफ-गोळे ॥
ढासळते बुरुज व पडक्या भिंती ।
अशी जरी आमची आज स्थिती ॥
जीर्ण होऊनही एकच् आशा उरी ।
खात्री आहे तीही कराल तुम्ही पुरी ॥
आता नवीन पिढीतील राजे येतील ।
साऱ्या जगावर भगवा फडकवतील ॥
🚩 हर हर महादेव 🚩
No comments:
Post a Comment