"ती" शौर्याची ज्योत खरी..
"ती" चांदणवाट अलवार गं..!
"ती" निर्मळ माय माऊली..
"ती" दुर्गेचा अवतार गं...!!
"ती" लखलखणारी वीज नभी..
"ती" चंचल पाऊसधारा गं..!
"ती" वाळूतली नक्षी हळवी..
"ती" ज्वलंत पेटता निखारा गं...!!
"ती" सरस्वती अन् लक्ष्मी..
"ती" कुटुंबाचा आधार गं..!
"ती" ध्येयवेडी अन् स्वप्नवेडी..
"ती" लाजणारा शृंगार गं..!!
"ती" कणखर, कर्तृत्ववान..
"ती" गाथा समर्पणाची गं..!
"ती" सहनशील अन् स्वाभिमानी..
"ती" जननी या जगताची गं..!!!
No comments:
Post a Comment