पक्ष्यांची किलबिल येथे..
आंब्याचा गंध केशरी गं..!
कोकण मेवा रुजतो जेथे..
ते देखणे माहेर माझे गं..!!
मंदिरांचा थाट अनोखा..
नारळाची बाग सुरेख गं..!
घराघरात आपुलकी येथे..
ते देखणे माहेर माझे गं..!!
निसर्गाची किमया येथे..
प्रदूषणावर बंदी गं..!
सागराच्या कुशीत वसले..
ते देखणे माहेर माझे गं..!!
संस्कृतीची सांगड येथे..
संस्कारांची शिदोरी गं..!
नात्यांना जे जोडूनी ठेवी..
ते देखणे माहेर माझे गं..!!
No comments:
Post a Comment