मैत्रीच्या पायर्या चढताना
पहिली पायरी परिचयाची,
दुसरी पायरी ओळखीची!
जुळतात त्यातून काही घट्ट मैत्र,
काही होतात नकळत त्रयस्थ!
मैत्रीमध्ये मिळत असली जरी सर्व नाती,
तरी स्नेहासाठी गरज नसते
जुन्या घट्ट मैत्रीची!
स्नेहामध्ये असतो परस्परांप्रती मान,
कुणाचे तरी स्नेहांकित असण्याचा
वाटतो अभिमान!
मित्र आणि स्नेही
एकाच नाण्याच्या दोन बाजू,
कोण जवळ,कोण दूर
मोजण्याचा नसे तराजू!
सहज ओळखीतूनही स्नेह होई वृद्धिंगत,
मैत्री जमे नित्य सहवासातून
रमतगमत!
मैत्रीत स्नेह असतोच,
पण स्नेहात मैत्री असेलच असे नाही!
मैत्री म्हणजे आपलेपणाचा हक्क आणि जवळीक
स्नेहामध्ये असे आदर आणि आपुलकी!
दोघांचे आपल्या मनात असे योग्य स्थान,
ह्या नात्यांमध्ये होऊ नये गल्लत,
ठेवायला हवे भान!
No comments:
Post a Comment