स्नेह जुळावा असा की
उमलून यावे नाते
आठवणी आळवाव्या
गोल फिरे जसे जाते...
स्नेह जुळवा गोडसा
भेट घडावी रोजच
दूर राहिलो कीतीही
वाटे भेटलो आजच...
स्नेह जुळवा कामाशी
स्नेह जुळवा धर्माशी
तिन्ही त्रिकाल ध्यासात
सत्य भेटावे मर्माशी
स्नेह टपोरा मोगरा
त्याच्या सुवास गहीरा
राहो वात्सल्य भारुनी
जसे जपतो माहेरा
स्नेह सुंगधी अत्तर
त्याच सुगंधाचा फाया
शब्द तसे गोड..बोलू
मोहरावी मने काया...
No comments:
Post a Comment