चिंता उद्याची व्यर्थ कशास?
आजचा क्षणच आहे खास।
क्षणभंगूर जीवन जगूनी घ्यावे,
उद्यावरती व्यर्थ का विसंबावे?
पैसा आज असेल उद्या नसेल,
व्यर्थ चिंतेपायी का झुरावे?
काय मिळविले काय गमावले,
व्यर्थ हिशोब कशास मांडावे?
जे आपुल्या हाती नसते,
व्यर्थ विचारात का बुडावे?
व्यर्थ कुणाशी तुलना कशास?
साधे जगूनी सुखी रहावे।
वेळेचे मोल वेळेवरी जाणावे,
व्यर्थ पश्चाताप ना करावे।
जीवन आपुले ना जावे व्यर्थ,
आठवणीत रहाण्यात आहे अर्थ ।
-
No comments:
Post a Comment