व्यर्थ - प्रज्ञा कोर्डे

 व्यर्थ आहे जन्म तुझा 

व्यर्थ आहे भावना

 प्रेम नात्यात ओल नाही

 व्यर्थ त्या संवेदना 

 

व्यर्थ ती पूजा अन 

व्यर्थ तो धर्म आहे 

माणुसकीचा अंश नाही

 व्यर्थ ते कर्म आहे

व्यर्थ ते पुण्य 

अन व्यर्थ  ते दान आहे

भूक ज्याने क्षमत नाही 

व्यर्थ ते अन्न आहे

व्यर्थ ती स्वप्ने अन्

व्यर्थ तयांची आस आहे

कष्टाविना सर्व मिळेल 

व्यर्थ हा विश्वास आहे

व्यर्थ ते जगणे

व्यर्थ तो ध्यास आहे

अहम भावा पोटी निपजणारा 

व्यर्थ तो श्वास आहे