एकदा काय झाले,
काय झाले, काय झाले
शून्य रुसून कोपऱ्यात बसले...
आई म्हणाली, काय झाले बाळा?
म्हणाला, किंमतच नाही मुळी मला....
पेपर वर दिसताच मुले होतात खिन्न...
आणि
भागाकरात आलो तर सगळेच सुन्न...
संख्येत मिळवून गेलो काय
किंवा संख्येतून वजा झालो काय
किंवा संख्येच्या डावीकडे बसलो काय
तरी बदलत नाही उत्तर म्हणजे
मुळी किंमतच नाही मला...
आईने पटकन उचलून घेतले
संख्येच्या उजवीकडे नेवून बसवले
संख्येची किंमत लगेच वाढली
बघता बघता वाढतच गेली...
अन् शून्याची स्वारी खूष झाली,
गालात खुदकन हसू लागली...
No comments:
Post a Comment