नव्या वाटेचा नवा प्रकाश,
नवी स्वप्नं, नवा विश्वास।
पहिलं पाऊल पुढे टाकू,
धैर्याने नव्या दिशा शोधू।।
उगवत्या सुर्याची पहिली किरण,
घेऊन येते नवं जीवन।
प्रत्येक क्षण हा संधी घेई,
नवा आरंभ नवी उमेद देई।।
भीती, शंका दूर सारू,
स्वप्नांच्या दिशेने उंच झेप घेऊ।
गड्या नवा प्रारंभ आपला,
यशाची गाणी गाऊ।।
नवी उमेद, नवी जिद्द,
नवी आशा, नवी सिद्धी।
प्रत्येक प्रारंभ हा शुभ असो,
संकल्प आमचा दृढ राहो।।
No comments:
Post a Comment